कृष्णदासजी महाराज भनिने कृष्णदास गिरी पक्राउ,बलात्कारको आरोप

सुनसरी- प्रहरीले बलात्कारको आरोप लागेका जगत गुरु कृष्णदासजी महाराज भनिने कृष्णदास गिरीलाई पक्राउ गरेको छ।

जिल्ला अदालत सुनसरीले शुक्रबार पक्राउको अनुमति दिएपछि प्रहरीले शुक्रबार नै गिरीलाई पक्राउ गरेको हो।बलात्कार प्रयासको उजुरी शुक्रबार नै जिल्ला प्रहरी कार्यालय सुनसरीले दर्ता गरेको थियो।

गिरीमाथि एक महिलालाई बलात्कार गरेको आरोप लागे पनि यसअघि प्रहरीले उजुरी लिन मानेको थिएन।जिल्ला प्रहरीले उजुरी लिन नमानेपछि पीडित महिलाले केन्द्रीय अनुसन्धान व्युरोमा उजुरी दिएकी थिइन्।

त्यसरी प्रहरीले उजुरी जिल्लामा नै फर्काएको थियो। गिरीमाथि गत कार्तिक ४ गते आफ्नै अनुयायीको बलात्कार प्रयास गरेको आरोप लागेको छ।