अध्यक्षका उम्मेदवारकाे घरमा बम विस्फाेट

महोत्तरी-महोत्तरीको पिपरा गाउँपालिकाको नेपाल कम्युनिस्ट पार्टीका अध्यक्षका उम्मेदवार विक्रम चौधरीको घरमा बिहीबार बम विस्फोट भएको छ ।

बिहीबार अपरान्ह पौने ५ बजे बम विस्फोट भएको छ। गाउँपालिका–४ स्थित उनको घरपछाडि बम विस्फोट भएको र विस्फोटबाट कुनै मानविय क्षति नभएको जिल्ला प्रहरी कार्यालय महोत्तरीले जनाएको छ ।

बम विस्फोट भएको स्थानमै चौधरीले चुनावी प्रचार–प्रसार र व्यवस्थापनका लागि कार्यालय समेत संचालन गरेका थिए । ठूलो आवाजसहित बम विस्फोट भएको थियो । उपनिर्वाचनको तयारी हेर्न सोही स्थानमा प्रमुख जिल्ला अधिकरीसहित सुरक्षा निकायका जिल्ला प्रमुख पुगेको बेला विस्फोट भएको हो।

विस्फोटबाट घरको शौचालयको ढोका र पर्खालमा क्षति पुगेको छ। महोत्तरीका एसपी श्यामकृष्ण अधिकारीले विस्फोट भएको पुष्टि गर्दै थप अनुसन्धान भइरहेको जानकारी दिए । प्रहरीले कुकर बम विस्फोट भएको अनुमान गरेको छ ।