तीन महिनाभित्र टुँडिखेल खाली गर्न महानगरलाई अल्टिमेटम

काठमाडौं-अकुपाइ टुँडिखेलका अभियन्ताले खुलामन्च लगायत टुँडिखेलका मिचिएका संरचना खाली गर्न काठमाडौं महानगरपालिकालाई अल्टिमेटम दिएको समाचार कान्तिपुर दैनिकले छापेको छ |

तीन महिनाभित्रमा टुँडिखेल अतिक्रमण हटाएर पूर्ववर्ती अवस्थामा फर्काउन माग गर्दै सोमबार महानगर प्रशासन विभाग प्रमुख नमराज ढकाललाई ज्ञापन बुझाएको हो |

महानगर प्रमुख विद्यासुन्दर शाक्यलाई ज्ञापनपत्र बुझाउन गएका अभियन्ताले मेयर कार्यलयमा नआएपछि कार्यकारी अधिकृत केदार न्यौपानलेलाई ज्ञापन बुझाउने कार्यक्रम तय गरेका थिए । उनीहरु दुवैलाई नभेटेपछि प्रशासन विभाग प्रमुख नमराज ढकाललाई पत्र बुझाएका हुन्।

ज्ञापन बुझ्दै प्रशासन विभाग प्रमुख ढकालले अकुपाइ टुँडिखेलले तोकेको समयसीमा अघि नै यहाँका केही संरचना हटाइने आश्वासन दिए।