कालापानीको तिरो रसिद राष्ट्रिय अभिलेखालयमा पाइयो

काठमाडौं-कालापानी क्षेत्रका बासिन्दाले १९९५ सालमै तत्कालिन नेपाल सरकार मातहतका निकाय/व्यक्तिलाई बसोबासको तिरो तिरेको रसिद राष्ट्रिय अभिलेखालयमा सुरक्षित पाइएको आजको कान्तिपुर दैनिकले समाचार छापेको छ |

भूमिसुधार मन्त्रालयले फेला पारेको लगत केही वर्षअघि अभिलेखालयलाई बुझाइएको थियो।

खोजीका क्रममा ८१ वर्ष पुरानो लगत आधारको तिरो रसिद प्राप्त भएको थियो |

राष्ट्रिय अभिलेखालयकी निर्देशक सौभाग्य प्रधानांगका अनुसार १९९५ असार १९ मा कालापानी क्षेत्रमा रहेका बासिन्दाले नेपाल सरकारका नाममा निश्चित अन्न वा पैसाको तिरो बुझाएको प्रमाण भेटिएको छ।

त्यसमा हाल भारतीय पक्षबाट अतिक्रमित ‘गुन्जी (कुन्जी) का बासिन्दाले पनि तिरो बुझाएको’ सूची देखिन्छ।

तिरो प्रमाणमा हाल भारततर्फ पारिएका नावी र कुटी गाउँका बासिन्दाको नामसमेत उल्लेख छ।