प्रधानमन्त्री सचिबालयका सबै सदस्यले दिए राजीनामा

काठमाडौं-प्रधानमन्त्री केपी शर्मा ओलीको सचिवालयका सबै सदस्यले सामुहिक राजीनामा दिएका छन्।

प्रधानमन्त्री ओलीले आफू नयाँ ढंगले जान चाहेकाले त्यसका लागि मार्ग प्रशस्त गरिदिन भनेपछि सचिवालयको सबै सदस्यले शनिबार राजीनामा बुझाएका हुन्।

‘प्रधानमन्त्रीले नै असन्तुष्टि व्यक्त गरेपछि हामीले छलफल गर्‍यौं र आजै सामूहिक राजीनामा बुझायौं’, राजीनामा दिने मध्येका एक सदस्यले भने।

केही दिनमै नयाँ टिम प्रधानमन्त्रीको सचिवालयमा जाने ती सदस्यको भनाइ थियो |

प्रधानमन्त्रीको सचिवालय चुस्त नभएको भनेर पार्टीभित्रै पनि आलोचना भइरहेको थियो। यसअघि शुक्रबार प्रधानमन्त्री ओलीले आफ्ना सचिवालयमा रहेकालाई राजीनामा दिन भनेका थिए।