नव नियुक्त प्रदेश प्रमुखहरुद्वारा सपथ ग्रहण

काठमाडौं- सोमबार नियुक्त भएका प्रदेश प्रमुखहरुले पद तथा गोपनियताको सपथ ग्रहण लिएका छन् |

प्रधानमन्त्री केपी शर्मा ओली र राष्ट्रिय सभाका अध्यक्ष गणेशप्रसाद तिमिल्सिनाको उपस्थितिमा राष्ट्रपति बिध्यादेवी भण्डारीले सातै जना प्रदेश प्रमुखहरुलाई सपथ गराइएकी हुन् |

राष्ट्रपति कार्यालय शितल निवासमा आयोजित विशेष कार्यक्रममा राष्ट्रपति भण्डारीले सपथ ग्रहण गराएकी हुन् ।

समारोहमा उपराष्ट्रपति नन्दकिशोर पुन, प्रधानमन्त्री केपी शर्मा ओली, प्रधानन्यायाधिश चोलेन्द्र शमशेर जबरा, राष्ट्रिय सभाका अध्यक्ष लगायतका विशिष्ठ व्यक्तिको सहभागीता रहेको थियो ।

स्रोतका अनुसार सातै प्रदेश प्रमुखले आजै आआफ्नो प्रदेशमा गएर कार्यभार सम्हाल्ने तयारीमा छन् । सोमबार बसेको मन्त्रिपरिषद बैठकले सिफारिस गरेका प्रदेश प्रमुखहरुलाई राष्ट्रपति विद्यादेवी भण्डारीले संविधानको धारा १६३ को उपधारा २ बमोजिम नियुक्त गरेका थिए ।

नियुक्त भएका प्रदेश प्रमुखमा सोमनाथ अधिकारी प्यासी — प्रदेश १, तिलक परियार—प्रदेश २, विष्णु प्रसाईं—प्रदेश ३, अमिक शेरचन—गण्डकी प्रदेश, धर्मनाथ यादव—प्रदेश ५, गोविन्द कनौली —कर्णाली प्रदेश र शर्मिलादेवी पन्त सुदूर पश्चिम प्रदेश रहेका छन् ।