विद्युतीय सवारी साधन काठमाडाैंमा थपिँदै

काठमाडौं – राजधानीका सडकमा इलेक्ट्रिक सवारी साधनकाे संख्या बढ्ने  भएकाे छ। सुन्दर यातायात प्रालिले सुरुमा २५ वटा विद्युतीय बस त्यसपछि इलेक्ट्रिक कार पनि ल्याउने तयारी गरेकाे छ ।

सुन्दर यातायात प्रालिले एक वर्षभित्रमा २५ वटा विद्युतीय बस कम्पनीले ल्याउनेछ । त्यसपछि २५ वटै कार ल्याइनेछ । ती कारको मूल्य तेलबाट चल्ने सवारीको तुलनामा निकै सस्तो पर्नेछ । एउटा कारको मूल्य १३ लाख रुपैयाँदेखि १५ लाख रुपैयाँसम्म पर्ने आँकलन गरिएको छ ।

विद्युतीय बसको मूल्य भने प्रति बस १ करोड ६२ लाख रुपैयाँ पर्छ ।  विद्युतीय बसका लागि प्रालिले  ६ वटा बैंकबाट लोन लिएका छ।

विद्युतीय बस ल्याउनका लागि बैंकबाट लोन ल्याउन  सकस भएको भन्दै प्रालिले सरकारले विद्युतीय सवारी साधनमा सहुलियतमा ऋण दिनु अाग्रह गरेकाे छ ।सरकारले चार्जिङ स्टेसन र  चार्जिङ स्टेसनका दररेट समेत तोकिदिन आग्रह गरिएकाे छ।

हाल सुन्दर यातायात प्रालिले ४ वटा विद्युतीय बस राजधानीको चक्रपथमा सञ्चालन गरिरहेको छ ।

कम्पनीले आगामी दिनमा प्रदेश नम्बर १ र प्रदेश नम्बर ५ मा समेत थप हुने विद्युतीय बस सञ्चालन गर्ने योजना बनाएको छ । यसका लागि प्रदेश सरकारसँग समन्वय भइरहेको कम्पनीले जानकारी दिएको छ ।