प्रधानमन्त्री ओली भोलिसम्ममा डिस्चार्ज हुने

काठमाडौँ-प्रधानमन्त्री केपी ओलीको स्वास्थ्य अवस्था सामान्य रहेको ग्रान्डी अस्पतालले जानकारी गराएको छ ।

बुधबार साँझ अस्पतालका निर्देशक चक्रराज पाण्डे र प्रधानमन्त्रीका निजी चिकित्सक दिव्या सिंह शाहले संयुक्त वक्तव्य निकालेर प्रधानमन्त्रीको स्वास्थ्य अवस्था सामान्य रहेकोले जानकारी गराएका हुन् ।

प्रधानमन्त्री ओली आजै वा भोलि बिहानसम्म डिस्चार्ज हुने विज्ञप्तिमा उल्लेख छ ।

प्रधानमन्त्री केपी शर्मा ओली अस्वस्थ्य भएपछि स्वास्थ्य परीक्षणका लागि ग्राण्डी अस्पताल लगिएको छ । ग्राण्डी अस्पतालले भने यसबारे कुनै औपचारिक जानकारी दिएको छैन ।

अस्पताल स्रोतका अनुसार प्रधानमन्त्री ओलीलाई आईसीयूमा राखेर विभिन्न परीक्षण र उपचार भइरहेको छ।

प्रधानमन्त्रीका प्रेस सल्लाहकार कुन्दन अर्यालका अनुसार उनलाई नियमित स्वास्थ्य परीक्षणका लागि मात्रै बिहान ९ बजे अस्पताल लगिएको हो। ‘उहाँ परीक्षणका रिपोर्ट आएपछि बालुवाटार फर्कनु हुन्छ,’ उनले भने।