नेपाली कांग्रेसका सांसद कंडेल भारतीय नागरिक!

काठमाडौं-पूर्वगृहराज्यमन्त्री तथा नेपाली कांग्रेसको तर्फबाट नवलपरासी पश्चिम २ बाटबाट निर्वाचित सांसद देवेन्द्रराज कँडेल भारतीय नागरिक पनि भएको समाचार आजको नयाँ पत्रिका दैनिकले समाचार छापेको छ |

समाचार अनुसार कंडेल भारतको उत्तरप्रदेशको गोरखपुर निवासी भएको र उनि त्यहाँको एक कलेजको व्यवस्थापन समितिका अध्यक्ष पनि रहेको जनाइएको छ |

उनले भारतीय नागरिककै रुपमा कलेज अध्यक्षको सपथ पनि खाएको थिए |

यो विषयमा अख्तियार दुरुपयोग अनुसन्धान आयोगको निर्देशनमा नेपाल प्रहरीको सिआइबीले अनुसन्धान गरिरहेको छ।

उत्तरप्रदेश, महाराजगञ्जको ठुठीबारीस्थित राधादेवी इन्टरकलेज व्यवस्थापन समितिको अध्यक्षको लागि कँडेल चुनाव लडेका थिए।

सन् २०१६ मा भएको चुनावमा उनी असफल भए पनि गत वर्ष भएको चुनावमा भने उनी निर्वाचति भएका थिए।

निर्वाचित भएलगत्तै हिन्दी भाषामा शपथ खाँदा कँडेलले आफू भारतको ३३ कसाहा रोड, बेतिया हाता, जनपद गोरखपुरको बासिन्दा भएको विवरण गलत भए भारतको संविधानअनुसार कारबाही भोग्न तयार रहेको स्वघोषणा पनि उनले शपथमा गरेका छन्।

कँडेल भारती नागरिक भएको विषयमा अख्तियारमा उजुरी परेको छ। 

अख्तियारले यो विषयमा अनुसन्धान गर्न निर्देशन दिएपछि नेपाल प्रहरीको सिआइबीले अनुसन्धान टोली खटाएको छ।
तर, कँडेलले भने आफू भारतको अस्थायी बासिन्दा मात्रै भएको दाबी गरेका छन्।