सांसद साह पक्राउ परेपछि राजपाका कार्यकर्ताहरु आन्दोलनमा

जनकपुरधाम-राष्ट्रिय जनता पार्टी (राजपा) का सांसद प्रमोद कुमार साह पक्राउ परेको विरोधमा राजपाका कार्यकर्ताहरु आन्दोलनमा उत्रिएका छन्।

नेता शाहको रिहाइको माग गर्दै उनीहरु आन्दोलनमा उत्रिएका हुन।उनीहरुले सांसद शाहले विमानस्थलको बेथिति र बुद्ध एयरको घमण्डलाई तह लगाएकाले तत्काल रिहाइ गर्नु पर्ने र नगरे थप सशक्त आन्दोलन गर्ने चेतावनी समेत दिएका छन्।

जनकपुर विमानस्थलमा बुद्ध एयरको काउन्टरमा तोडफोड गर्ने राष्ट्रिय जनता पार्टी (राजपा) का सांसद प्रमोद कुमार साहलाई त्रिभूवन विमानस्थलबाट पक्राउ गरेको थियो।

यता, नागरिक उडड्यन प्राधिकरण जनकपुरले जिल्ला प्रहरी कार्यालय धनुषामा गैर सैनिक हवाई उड्डयन ऐन २०१५ अन्तर्गत मुद्दा दिएपछि जिल्ला अदालत धनुषाबाट पक्राउ गर्न आदेश दिएको थियो।