महरालाई आज आदलत लगिंदै

काठमाडाै- प्रतिनिधिसभाका तत्कालीन सभामुख कृष्णबहादुर महरालाई आज अदालत उपस्थित गराइने भएको छ।

प्रहरीले अनुसन्धानको पाटो सकेर म्याद थपका लागि  उनलाई आज काठमाडौं जिल्ला अदालतमा उपस्थित गराउन लागेको हो।

प्रहरीले  अस्पतालबाटै सोझै बबरमहलस्थित काठमाडौं जिल्ला अदालतमा लाने योजना बनाएको छ । आजदेखि अदालत खुल्ने भएकाले म्याद थपका लागि अदालत लैजान लागेका काठमाडौं प्रहरी परिसर स्रोत बताउँछ  |

अदालतले पक्राउ परेको दिनदेखि लागू हुने गरी म्याद थप गर्ने भएको छ। दशैंको समयमा अदालत बन्द भएका कारणले उनको म्याद थप गर्न सकिएको थिएन।

अनुसन्धानका केही पाटा बाँकी रहेकाले थप केही दिन म्याद थप्न प्रहरीले अनुमति माग्ने  प्रहरी स्रोतको भनाइ छ |

महराको बयान सकिएपछि जिल्ला सरकारी वकीलको कार्यालय काठमाडौंले महराविरुद्ध जिल्ला अदालत काठमाडौंमा अभियोग पत्र दायर गर्नेछ।

महराले संसद सचिवालयकी कर्मचारी रोशनी शाहीको निवासमा पुगेर बलात्कार प्रयास गरेको आरोप लागेपछि असोज १४ गते सभामुख पदबाट राजीनामा दिएका थिए।

शाहीले असोज १७  गते  बलात्कार प्रयास गरेको भन्दै किटानी जाहेरी दिएपछि महरा असोज १९ गते पक्राउ परेका थिए |