जनताको आधारभुत अधिकार संविधानले प्रत्याभुत गरेको छ – मुख्यमन्त्री गुरुङ

पोखरा-गण्डकी प्रदेशका मुख्यमन्त्री पृथ्वीसुब्बा गुरुङले संविधानको रक्षा, प्रयोग र विकास गर्दै संघीय लोकतान्त्रिक गणतन्त्रात्मक शासन व्यवस्थालाई थप संस्थागत गर्नुपर्ने आवश्यकता औल्याएका छन्।

संविधान दिवसको अवसरमा विहिबार शुभकामना सन्देश जारी गर्दै मुख्यमन्त्री गुरुङले संविधानले संघीयता, धर्मनिरक्षेता, समावेशिता, समानुपातिक प्रतिनिधित्व लगायत सबै तह, तप्का, वर्ग र क्षेत्रका जनताको अधिकार प्रत्याभूत गरेको समेत बताएका छन।

नेपाली जनताको लामो संघर्ष, त्याग र वलिदानबाट प्राप्त महत्वपुर्ण उपलब्धीको रुपमा पहिलोपटक जनताका प्रतिनिधीमार्फत संविधान निर्माण भएको संविधान राजनैतिक एवं संवैधानिक इतिहासमा यूगिन महत्वको दिन रहेको समेत मुख्यमन्त्री गुरुङले अथ्र्याएका छन।

समृद्ध नेपाल सुखी नेपालीको राष्‍ट्रिय आकाँक्षा पुरा गर्नु आजको आवश्यकता, प्रमुख कार्यभार र साझा दायित्व भएको र संविधान दिवसले यसतर्फ लाग्न सवैलाई प्रेरणा मिलोस भनि कामना समेत मुख्यमन्त्रीले गरेका छन।