तरूण दलमा अध्यक्षले महासचिवलाई  र महासचिवले अध्यक्षलाई  कारबाही

काठमाडौं-नेपाल तरुण दलका अध्यक्ष जित जङ्ग बस्नेतले महासचिव भुपेन्द्र जङ्ग शाहीलाई  र महासचिव शाहीले अध्यक्ष बस्नेतलाइ कारबाही गरेका छन् ।

पदीय मर्यादा, जिम्मेबारी र नेपाली कांग्रेस र तरुण दलको आदर्श एवम् सिद्धान्त विपरीत गई अनुशासनहीन कार्यहरु गरेको हुँदा विधानको परिच्छेद १० को धारा ४४ को व्यवस्थाअनुसार नेपाल तरुण दलको महासचिवसहित कुनै पनि सदस्य नरहने गरी हटाइएको पत्रमा उल्लेख गरिएकाे छ।

अध्यक्षकाे विज्ञप्ती प्रकाशित भएकाे केहि घन्टापछि महासचिव शाहीले पनि  विज्ञप्ति जारी गर्दै अध्यक्ष भ्रष्टाचारमा लिप्त रहेको आरोप लगाउँदै अध्यक्ष र एकवर्ष साधारण सदस्यसमेत नरहनेगरी कारबाही गरिएको जनाएका छन् ।

केहि दिन अघिदेखि विवाद उत्कर्षमा पुगेकाे थियाे। अध्यक्षले मातहतका जिल्ला कार्यसमितिका पदाधिकारी हटाएपछि महासचिव शाहीले कारबाही नभएकाे स्पष्ट पार्दै बस्नेतकाे निर्णयलाइ खारेज गर्दै अाएका थिए।