चिनियाँ ह्याकरकाे फरेन्सिक टेस्टका लागि सिंगापूरबाट प्राविधिक बाेलाइयाे

काठमाडौं – चिनियाँ ह्याकरहरुले डाटा ह्याक गरी विभिन्न बैंकको एटीएमबाट साढे ३ करोड रुपैयाँ चोरी प्रकरणको फरेन्सिक टेस्ट गरी सत्यतथ्य पत्ता लगाउनका नेपाल इलेक्ट्रोनिक पेमेन्ट सिस्टम (नेप्स) ले सिंगापूरबाट प्राविधिकको टोली बोलाएको छ ।

मंगलबार सिंगापूरको भेरी जोन नामक कम्पनीलाई फरेन्सिक टेस्टका लागि बोलाइएको नेप्सका प्रमुख कार्यकारी अधिकृत प्रविण क्षेत्रीले जानकारी दिए ।

‘राष्ट्र बैंकले हिँजो (सोमबार) फरेन्सिक टेस्ट गर्न हामीलाई पत्राचार गरेको थियो, हामीले आज (मंगलबार) सिंगापूरको भेरी जोन कम्पनीलाई सम्पर्क गरेर प्राविधिक पठाइदिन आग्रह गरेका छौं,’ सीइओ क्षेत्रीले  भने, ‘कम्पनीले भोलि (बुधबार) साँझसम्ममा २ जना प्राविधिक काठमाडौं आइपुग्ने जानकारी दिएको छ ।’

प्राविधिक टोलीले विभिन्न डिभाइसहरुलाई ल्याबमा राखेर टेस्ट गरी घटनाको सत्यतत्य पत्ता लगाउने छ ।