पोखरा अन्तराष्ट्रिय विमानस्थलको निर्माण कार्य ६ महिना अघि नै सकिन्छ – पर्यटन मन्त्री भट्टराई

पोखरा-नेपाल सरकारका संस्कृति, पर्यटन तथा नागरिक उड्यनमन्त्री योगश भट्टराईले पोखरामा निर्माणाधिन पोखरा क्षेत्रीय अन्तराष्ट्रिय विमानस्थलको स्थलगत अवलोकन गरेका छन ।

बुधबार पोखरा आएका पर्यटनमन्त्री भट्टराईले राष्ट्रिय गौरबको आयोजना अन्तर्गतको निर्माणाधिन सो बिमानस्थलको निर्माणकार्यबारे अवलोकन गरेका हुन ।

सो अवसरमा बोल्दै उनले सम्पन्न हुने सम्झौता भन्दा ६ महिना अगावै निर्माण कार्य सकिने स्थलगत अवलोकन पश्चात प्रष्ट भएको बताए । उनले तोकिएको मिति भन्दा अगावै निर्माकार्य सम्पन्न हुदा सकरात्मक सन्देश प्रवाह हुने उल्लेख गर्दै लगानीकर्तालाई आकर्षित गर्नै बताए ।

उनले तोकिएको मिति भन्दा अगाडी नै सम्पन्न हुदा अलपत्र भएका नेपालका कैयांै ठुला आयोजना निर्माणमा बिश्वास बढ्ने बताए । उनले चिनियाँ कम्पनीको कार्यप्रति खुशि प्रकट गर्दै सम्झौता बमोजिन नै निर्माण सम्पन्न हुने बिश्वास राखे । मन्त्री भट्टराईले विमानस्थल निर्माणको काम दु्रत गतिमा बढेको बताउदै स्थानिय समुदायमा रहेको मुआब्जा सम्बन्धि समस्याहरुलाई हल गर्न लाग्ने उल्लेख गरे । ‘मुआब्जाको बिषयमा फेरी बसौ, छलफल गरौ, उनले भने ‘हामीले स्थानिय समुदायलाई नाङ्गेझार बनाएर, खालीखुट्टा र नाङगोआङ लखेटेर आयोजना बनाउदैनौ ।’

मन्त्री भट्टराईले मुआब्जा बाहेकका अन्य समस्यालाई समेत सम्बोधन गर्न सक्ने उल्लेख गरे । उनले बिमानस्थल सम्पन्न पश्चात आवश्यक कर्मचारी छनौटमा स्थानिय समुदायलाईनै पहिलो प्राथमिकतामा राखिने बताए । उनले बिमानस्थल सञ्चालनमा आईसकेपछि बैदेशिक बजारमा पोखराको प्रबद्र्धन हुने बताउदै पर्यटन बिकासमा समेत थप टेवा पुग्ने बिश्वास ब्यक्त गरेका थिए ।

पोखरा क्षेत्रीय अन्तराष्ट्रिय बिमानस्थलको आयोजना प्रमुख ईन्जिनियर बिनेश मुनकर्मीका अनुसार सन् २०२१ जुलाई १० मा सम्पन्न गर्ने सम्झौता रहेको बिमानस्थलको निर्माणकार्य ४५ प्रतिशत सम्पन्न भैसकेको छ ।