नेकपाका नेतालाइ सामाजिक सञ्जालमा गाली गर्न बन्देज

काठमाडाैं-सत्तारुढ दल नेपाल कम्यूनिष्ट पार्टी (नेकपा) का अध्यक्ष केपी शर्मा ओली उपचारका क्रममा सिंगापुर रहेका बेला अर्का अध्यक्ष पुष्पकमल दाहालले आफ्नो सक्रियता बढाएका छन्।

पछिल्लो कार्य विभाजनलाई लिएर पार्टीभित्र असन्तुष्टि बढिरहेका बेला नेताहरुसँग भेटघाटलाई तीब्र बनाएका दाहालले सोमबार सचिवालय बैठक राखेका छन्।

पार्टी एकतापछि पहिलो पटक सचिवालय बैठक बोलाएका दाहालको बैठकमार्फत नेताहरुको विषयमा व्यक्तिगत टिप्पणि गर्न नेता तथा कार्यकर्तालाई प्रतिबन्ध गराउने निर्णय लिएका हुन्।

सामाजिक सञ्जालमा नेता विरूद्द एक अर्कामा अाराेप प्रत्याराेप हुन थालेपछि सचिवालयले यस्ताे निर्देशन जारी गरेकाे हाे। यस अघि बसेकाे सचिवालय बैठकमा अध्यक्ष ओली र अर्का नेता माधवकुमार नेपाल विच सामाजिक सञ्जालमा नेपाललाइ गरिएकाे गालीका विषयमा विवाद भएकाे थियाे।