शालिकराम आत्महत्या प्रकरण : अदालतमा बयानको पालो कुर्दै रवि

चितवन- माउन्टेन टिभिका पत्रकार सालिकराम मृत्यु प्रकरणका आरोपी युवराज कँडेलको बयान चलिरहेको छ । आत्महत्या दुरुत्साहन मुद्दाका आरोपी रवि लामिछाने, युवराज कंडेल विहान १० बजेपछि चितवन जिल्ला अदालतमा उपस्थित गराईएको हो। पुडासैनीकी प्रमिका भनिएको अस्मिता कार्कीको भने बयान हिजै सकिएको थियो। 

उनिहरुको बयान जिल्ला अदालतका मुख्य न्यायधिस हेमन्त रावलको इजलासमा चलिरहेको छ । युवराजको बयान सकिएपछि तत्कालै रविको बयान सुरु हुने अदालतका श्रेस्तेदार रुद्रमनी गीरीले बताए ।

आइतबार समय अभावका कारण रवि र युवराजको आज मात्रै बयान लिइरहेको हो।

बयान सकिएपछि आजै बहस हुने जनाईएको छ । बहस सकिएपछि अदालतले उनीहरुलाई रिहा गर्ने वा पुर्पक्षका लागि कारागार चलान गर्ने भन्ने आदेश दिनेछ।

पुडासैनी मृत्यु प्रकरणमा उनिहरु तिनै जनाविरुद्ध आत्महत्या दुरुत्साहत मुद्दा दर्ता भएको छ । मुलुकी अपराध संहिताको दफा १८५ अनुसार ५ वर्ष कैद र ५० हजार जरीमानाको माग गर्दै अदालतमा मुद्दा दर्ता गराएको हो।