रवि लामिछाने मात्रै होईन हिरासतका सबै सुरक्षित छन्- एसपी दानबहादुर मल्ल

रवि लामिछाने हिरासतमा रहदा आफ्नो पत्नी निकिता पौडेलको फेसबुकमा स्टाटस लेखेर आफु प्रहरीबाटै असुरक्षित नरहेको बताएपछि चितवन प्रहरीले उक्त बयानको जवाफ दिएका छन्। प्रहरी उपरीक्षक दानबहादुर मल्लले रविसहित तीनैजनामाथि कुनै किसिमको सुरक्षा चुनौती नभएको बताएका हुन्।

हिरासतमा रहेका रबि दोश्रो पटक म्याद थप गरेपछि आफु प्रहरीबाटै असुरक्षित रहेको बताएका थिए।

मल्लले रबि अन्य साधारण व्यक्तिसरह सामान्य अवस्थामा रहेको जानकारी दिनुभयो। “रविसहित युवराज कँडेल र अस्मिता कार्की मात्रै नभइ हिरासतका सबै सुरक्षित छन्।” उहाँले थप बताउनुभयो।

प्रमुख मल्लले अनुसन्धान भैरहेको र रविको सुरक्षाबारे अनेक आशङ्का नगर्न सबैसँग आग्रह समेत गरेका छन्। उहाँको अनुशार प्रहरी नियन्त्रणमा रहेका व्यक्तिहरुको सुरक्षामा जिल्ला प्रहरी कार्यालय अत्यन्त सचेत रहन्छ।