चितवनमा रबि लामिछानेका २२ समर्थक पक्राउ

काठमाडौं-आत्महत्या दुरुत्साहन आरोपमा पक्राउ परेर चितवन प्रहरीको हिरासतमा राखिएका रवि लामिछानेको समर्थनमा भरतपुर क्षेत्रमा प्रदर्शनमा उत्रेकामध्ये हालसम्म २२ जना गिरफ्तार भएको कान्तिपुर दैनिकले समाचार छापेको छ|

जिल्ला प्रहरी कार्यालयका प्रवक्ता डीएसपी एकनारायण कोइरालाका अनुसार तीमध्ये चारजना धरौटीमा छुटेका छन्। १८ जनालाई अनुसन्धान गर्न प्रहरीले हिरासतमा रखिएको छ।

‘समातिएकामध्ये चार जना धरौटीमा छुटेका छन्, १८ जनालाई अभद्र व्यवहार मुद्दामा अनुसन्धान गर्न चितवन जिल्ला प्रशासन कार्यालयबाट म्याद थप गरेर हिरासतमै राखिएको छ,’ डिएसपी कोइरालाले भने।

समाचार अनुसार समर्थकको प्रदर्शनमा बुधबारदेखि संख्या पातलो हुँदै गएको छ।