भक्तपुरमा राष्ट्रिय गौरवका आयोजनाका लागि बजेट वृद्धि भएको छ – सांसद बस्नेत

भक्तपुर-नेपाल कम्युनिष्ट पार्टी (नेकपा)का केन्द्रीय सदस्य, पूर्वमन्त्री तथा प्रतिनिधिसभाका सांसद महेश बस्नेतले व भक्तपुरमा राष्ट्रिय गौरवका आयोजना, भौतिक संरचनाको विकास साथै त्यसको लागि आवश्यक पर्ने बजेटको व्यवस्था व्यापक मात्रामा बताउँदै भक्तपुरको विकासमा दरवार (राष्ट्रिय गौरवको आयोजना, भौतिक विकास तिव्र गतिमा अघि बढेको) पनि र घरवार (आर्थिक, प्रशासनिक तथा व्यवस्थापन) पनि आवश्यक मात्रामा रहेको उल्लेख गर्नुभएको छ ।

आज नेपाल सरकार राष्ट्रिय पुनःनिर्माण प्राधिकरण केन्द्रीय आयोजना कार्यान्वयन इकाई (शिक्षा), जिल्ला आयोजना इकाई (शिक्षा) भक्तपुरद्वारा निर्माण गरिएको सूर्यविनायक नगरपालिका वडा नं. १० स्थित बालशिक्षा आधारभुत विद्यालयको ४ कोठे पक्की भवन उद्घाटन तथा हस्तान्तरण कार्यक्रममा बोल्दै सांसद बस्नेतले आगामी दिनमा भक्तपुरको विकास आर्थिक अभावले नरोकिने बताउनुभयो ।

उहाँले भक्तपुरको विकास उज्यालो सूर्यचन्द्र जस्तै भएको बताउँदै उहाँले भन्नुभयो, ‘भक्तपुरमा नयाँ सहर, आधुनीक वीर अस्पताल, अन्तर्राष्ट्रिय स्तरको सभागृह, खेल मैदान, प्राणी उद्यानलगायतका धेरै राष्ट्रिय गौरवका आयोजनाहरु निर्माणको प्रकृयामा रहेको छ । परिवर्तन जनताको चाहना, आवश्यकता र स्रोत साधनको उपलब्धतालाई सन्तुलन गर्नु नै भक्तपुरको विकास हुनु हो ।’

भूकम्प पछि भक्तपुरमा विद्यालय, मठमन्दीर, नीजि आवसका भवन निर्माणलगायतका क्षेत्रहरुको पूनःनिर्माण कार्य देशकै लागि उदाहरणीय रहेको बताउँदै उहाँले विकास र समृद्धिमो भक्तपुरका जनताको चेतनाको स्तर उच्च हुँदै गएको बताउनुभयो । जनताको चेतनाको वृद्धि नै भक्तपुरको विकास र समृद्धि भएको बताउँदै उहाँले भन्नुभयो, ‘भक्तपुरको विकासमा भुमकम्प अघि आउने मानिसले अहिले आउँदा छुट्याउन समेत नसक्ने गरी तिव्र गतिका साथ अघि बढिरहेको छ । जसमा सूर्यविनायक नगरपालिकाले आफ्नो स्रोत साधनलाई व्यवस्थित तवरले परिचालन गरेको, जनसहभागितामूलक विकासको योजना जसमा ६०–४०, समपुरक योजनालगायतका धेरै उत्कृष्ट कार्य गरिरहेको छ । जसमा जनताको साथ र सहयोग नै विकासको उच्चतम् प्रतिफल हो ।’

भक्तपुरमा सडक, ढल, खानेपानीलगायतका कार्यहरु तिव्र गतिका साथ अघि बढिरहेको छ । चित्तापोलका मानिसमा दुई तीन वर्षभित्रमा खानेपानीको अभाव अन्त्य गर्नुपर्नेमा जोड दिँदै उहाँले भन्नुभयो, ‘भक्तपुरको विकासमा तीन वटै सरकारले वोनसको रुपमा ध्यान दिई अघि बढिरहेको छ । अन्य जिल्लाहरुमा विकास हुन नसकी फ्रिज हुन लागेका बजेट समेत भक्तपुरमा काम हुन्छ भनि विशेष रुपमा बजेटको व्यवस्था भइरहेको छ । आगामी दिनमा अझ बढी नयाँ नयाँ भिजन, दृष्टिकोण, लगावको साथ जनप्रतिनिधिहरु अघि बढ्नुपर्छ ।’

भक्तपुरको जनप्रतिनिधिको लगाव र इमान्दारीता नै अहिलेको उपलब्धी, विकास तथा जनताको चाहना पुरा हुदै गएको बताउँदै उहाँले आफ्नो कार्यकालभरीमा आफ्नो क्षेत्रका अधिकाशं सडकहरु निर्माण भइसक्ने उद्घोष गर्नुभयो । उहाँले भन्नुभयो, ‘अबको तीन चार वर्षपछि १०–१५ लाखका कामको माग होला तर करोड भन्दा माथिका माग कम हुने दिन आउँछ । त्यसको लागि सवैले हातमा हात काँधमा काँध मिलाएर अघि बढ्नुपर्छ ।’

अहिलेका वालवालिकालाई माग्ने नभई आत्मनिर्भर बनाउनुपर्नेमा जोड दिँदै पूर्वमन्त्री समेत रहनुभएका सांसद बस्नेतले भक्तपुरमा २२ वटा विद्यालय, ६ वटा अस्पताल निर्माण भइसकेको जानकारी गराउनुभयो । कुनै पनि परिवर्तन आफैबाट शुरु गर्नुपर्ने बताउँदै उहाँले अबको शिक्षा कुनै सैद्धान्तिक भन्दा पनि व्यवहारिक हुनुपर्नेमा जोड दिनुभयो । उहाँले भन्नुभयो, माछा किन्न सिकाउने हैन, पाल्न सिकाउनुपर्छ ।’

सूर्यविनायक नगरपालिकाका प्रमुख बाशुदेव थापाले नगरपालिकामा भइरहेको सडक, ढल, शिक्षा, स्वास्थ्यलगायतको क्षेत्रको उपलब्धीको बारेमा जानकारी गराउनुभयो । जनताको साथ र सहयोग नै सूर्यविनायकको विकास भएको बताउँदै केही दुई चार जनाले विरोध गर्दैमा नगरपालिकाको विकास नरोकिने बताउनुभयो ।

६९ लाख ६९ हजार ६ सयको लागतामा निर्माण सम्पन्न गरिएको उक्त विद्यालयको भवन उद्घाटन कार्यक्रममा भक्तपुर आयोजना कार्यालय प्रमुख भरत श्रेष्ठले भुकम्पका कारण भक्तपुमा जम्मा ९७ वटा विद्यालयहरुमा क्षती पुगेको जानकारी गराउनुभयो । उहाँले आयोजनले ३२ वटा निर्माण सम्पन्न गरिसकेको, ३५ वटा निर्माणको क्रममा रहेको र बाँकी केहीमा विभिन्न समस्याका कारण रोकिएको जानकारी गराउनुभयो ।

प्र