प्रधानमन्त्री बिहीबार एक बजे उपचारका लागि सिंगापुर जाने

काठमाडाैं-प्रधानमन्त्री केपी शर्मा ओली उपचारका लागि बिहीबार एक बजे सिंगापुर जाने भएका छन्।
प्रधानमन्त्री ओलीले खाँदै आएको औषधीले प्रभाव पर्न छोडेपछि चिकित्सकहरुले नयाँ औषधी खान सुझाएका छन्। दश दिन उपचार गरि फर्केका प्रधानमन्त्री ओलीको स्वास्थ्यमा सुधार आएको थिएन। यस अघि उपचार गरिरहेको अस्पतालमा प्रधानमन्त्री ओलीको स्वास्थ्य उपचार हुनेछ।
उपचारका लागि कति दिन सिंगापुर बस्नुपर्ने खुलाइएको छैन।
बिहीबार प्रधानमन्त्री सिंगापुर जाने भएकाले बुधबार मन्त्री परिषदको बैठक बोलाइएको छ। मन्त्रीपरिषदको बैठक सोमवार वा बिहीबार बोलाउने प्रचलन थियो।