नेकपामा झलनाथ खनाल वरियतामा माधव नेपाल भन्दा अघि

काठमाडौं – सत्तारुढ नेपाल  कम्युनिस्ट पार्टी (नेकपा) को वरीयतामा वरिष्ठ नेता माधवकुमार नेपालभन्दा अर्का वरिष्ठ नेता झलनाथ खनाल अगाडि भएका छन् । 

आइतबार साँझ बसेको नेकपाको सचिवालय बैठकले वरिष्ठ नेताको पहिलो वरीयतामा खनाललाई राखेको छ भने दोस्रोमा माधव नेपाल रहने सहमति भएको पार्टीका प्रचार विभाग प्रमुख नारायकाजी श्रेष्ठले बताए । 

यसअघि वरिष्ठ नेता नेपालले अर्का वरिष्ठ नेता खनाललाई वरीयतामा आफूभन्दा माथि राख्ने भए आफ्नो पक्षका तीनजना नेतालाई उपाध्यक्ष बनाउनुपर्ने प्रस्ताव गरेका थिए ।

स्रोतका अनुसार नेपालले अष्टलक्ष्मी शाक्य, भीम रावल र युवराज ज्ञवालीलाई उपाध्यक्ष बनाउनुपर्ने प्रस्ताव गरेका थिए । 

यसअघिको सचिवालय बैठकले बामदेव गौतमलाई उपाध्यक्षमा सिफारिस गरिसकेको छ ।