नेकपा सचिवालय बैठक टुंगियो, स्कुलमा ईश्वर प्रचारमा नारायणकाजी

काठमाडौं- बहुप्रतीक्षित नेकपा सचिवालय बैठक समापन भएको छ। प्रधानमन्त्री तथा नेकपाका एक जना अध्यक्ष केपी शर्मा ओलीको स्वास्थ्यमा समस्या आएकाले यसअघि ३ पटकसम्म स्थगित सचिवालय बैठक शुक्रबार बसेको थियो। 

दिउँसो ३ बजे बैठक बस्ने भनिएको भए पनि सोभन्दा अघि  नै बैठक सकिएको हो। 

बैठकले नेकपाका विभिन्न विभागको टुंगो लगाएको छ। स्कुल विभागमा इश्वर पोखरेल आएका छन् भने प्रचार विभागमा नारायणकाजी श्रेष्ठले नेतृत्व पाएका छन्। 

यसैगरी पार्टीको परराष्ट्र विभागको नेतृत्व माधवकुमार नेपालले पाएका छन् भने झलनाथ खनालले नीति तथा प्रतिष्ठान विभागको नेतृत्व पाएका छन्। 

नेकपा नेता सुरेन्द्र पाण्डेले अर्थ विभागको जिम्मेवारी सम्हाल्ने भएका छन् भने वामदेवका भागमा संगठन विभाग परेको छ।