शीर्ष १० मूल्यवान खेलाडीमा लियोनल मेसी र क्रिस्टियानो रोनाल्डो अटाएनन्

एजेन्सी-युरोपका शीर्ष ५ लिगमा खेल्ने खेलाडीमध्येबाट शीर्ष १०० मूल्यवान् खेलाडीको अपडेटेड सूची सार्वजनिक भएको छ । फुटबलका सर्वकालीन महान् खेलाडी मानिने लियोनल मेसी र क्रिस्टियानो रोनाल्डो यस्तो सूची बनाउन सुरु भएयता पालैपालो अग्र स्थानमा रहन्थे । तर, यसपटक मेसी शीर्ष १० मा अटाउँदा रोनाल्डो भने बाहिरिएका छन् ।

सीआईएस फुटबल अब्जर्भेटरीले इंग्ल्यान्ड, स्पेन, जर्मनी, इटाली र फ्रान्सका शीर्ष लिगमा खेल्ने खेलाडीमध्येबाट १०० जना खेलाडी समेटेर सूची तयार गरेको हो । सीआई एसले खेलाडीको उमेर, सम्झौता, पोजिसन, खेलेको समय, गोल, राष्ट्रिय टिममा अवसर, क्लबका लागि गरेको प्रदर्शनलगायत विभिन्न कारक तत्त्वहरु समेटेर बनाएको एल्गोरिदमले यो सूची बनाएको हो ।

किलियन एम्बाप्पे २५२ मिलियन युरोको अनुमानित मूल्यका साथ शीर्ष स्थानमा छन् भने १६७.४ मिलियन युरोमा मेसी चौथो स्थानमा छन् । रोनाल्डो भने ११८.१ मिलियन युरोको भ्यालुएसनमा २० नम्बरमा चित्त बुझाउन बाध्य छन् । यति मात्र होइन, उनलाई पोर्चुगलको सबैभन्दा मूल्यवान् खेलाडीमा पनि दोस्रो नम्बरमा सीमित भएका छन् ।