महेन्द्रनगर डुबानमा, महाकालीकाे शारदा ब्यारेजमा यातायात बन्द

धनगढी- अविरल बर्षाका कारण महाकाली नदीमा अाएकाे बाढीले कञ्चनपुर सदरमुकाम महेन्द्रनगर र आसपासको क्षेत्र डुवानमा परेका छन् । राति करिव २ बजेबाट सुरु भएको बर्षाका कारण डुवान हुँदा जनजीवन प्रभावित बनेको छ ।

स्थानीयको घर तथा पसल भित्र पानी पसेको छ । डुवानका कारण भिमदत्त नगरपालिका उल्टाखाम क्षेत्रमा कुरा मरेको प्रहरी नायव उपरीक्षक गणेश बमले जानकारी दिए ।

नगरक्षेत्र जलमग्न हुदा आवतजावतमा समस्या भएको । दैनिक ज्याला मजदुरी गरेर खाने वर्ग सबैभन्दा मारमा परेको छ ।

शारदा ब्यारेजमा आवजवाजत बन्द
प्रहरीका अनुसार महाकालीमा प्रतिसेकेन्ड एक लाख १३ हजार क्युसेकको रफ्तारमा पानी बगिरहेको छ । महाकाली नदीमा पानीको वहाव बढेपछि शारदा ब्यारेजमा आवजवाजतमा रोक लगाइएको छ।

लगातारको वर्षापछि नदीमा पानीको सतह बढेपछि विहानदेखी चारपाङ्ग्रे सवारी साधनमा रोक लगाईएको बमले जानकारी दिए ।

महाकाली नदीमा पानीको बहावले १ लाख क्यूसेक नाघेपछि आवागमनमा रोक लगाइदै आएको छ। लगातारको वर्षापछि महाकाली नदीमा पानीको बहाव बढेर एक लाख ४५ हजार क्यूसेक पुगेको कञ्चनपुर प्रहरीले जनाएको छ।

यसअघि सोमबार साझ महाकाली नदीमा पानीको बहाव एक लाख ४० हजार क्युसेक मापन गरिएको थियो। पुलमा आवतजावतमा रोक लगाईएपछि शारदा व्यारेज भएर भारत जाने र नेपाल आउने सवारी साधन रोकिएका छन्।