प्रधानमन्त्रीले गर्ने प्रशासनिक कामकाे जिम्मेवारी उप प्रधानमन्त्री पाेखरेललाइ

प्रधानमन्त्री ओलीलाई बिदाइ गर्न राष्ट्रियसभाका अध्यक्ष गणेशप्रसाद तिमिल्सिना, उपप्रधान तथा रक्षामन्त्री ईश्वर पोखरेल, गृहमन्त्री रामबहादुर थापा, परराष्ट्रमन्त्री प्रदीपकुमार ज्ञवाली, नेपाल कम्युनिष्ट पार्टी (नेकपा)का महासचिव विष्णु पौडेललगायत विशिष्ट व्यक्तिहरू त्रिभुवन अन्तर्राष्ट्रिय विमानस्थल पुगेका थिए ।

प्रधानमन्त्री ओलीको सिंगापुरस्थित नेशनल युनिभर्सिटी हस्पिटलमा आजैदेखि स्वास्थ्य परीक्षण शुरू हुने बताइएको छ ।

उनले एक हप्तासम्म अस्पतालमै रहेर स्वास्थ्योपचार गर्ने कार्यक्रम छ ।

यसैबीच, राष्ट्रपति विद्यादेवी भण्डारीले प्रधानमन्त्रीले गर्ने दैनिक प्रशासनिक कार्य सञ्चालनको जिम्मेवारी उपप्रधानमन्त्री एवं रक्षामन्त्री ईश्वर पोखरेललाई तोकेकी छन् ।

प्रधानमन्त्रीको सिफारिशमा नेपालको संविधानबमोजिम उपप्रधानमन्त्री पोखरेललाई उक्त जिम्मेवारी दिइएको राष्ट्रपति कार्यालयले जनाएको छ ।

आफ्नो ५ दिने युएई भ्रमण सकेर नेकपा अध्यक्ष पुष्पकमल दाहाल प्रचण्ड स्वदेश फर्किएका छन् ।

प्रचण्ड पत्नी सीता दाहाल र छोरीहरू सहित पारिवारिक भ्रमणका लागि गत मंगलवार युएई प्रस्थान गरेका थिए ।

प्रधानमन्त्री समेत रहेका अर्का अध्यक्ष केपी शर्मा ओली सिंगापुर प्रस्थान गर्ने दिन नै अध्यक्ष प्रचण्ड स्वदेश फर्किएका हुन् ।