नेपालले गुमायो छैटौं विकेट, १९२ रनको लक्ष्य भेट्न मुस्किल

काठमाडौं- टी-२० विश्वकप क्रिकेटको एसिया क्षेत्र छनोटको अन्तिम चरणको प्रतियोगितामा सिंगापुर विरुद्ध नेपालले ६ विकेट गुमाएको छ। यो समाचार तयार पार्दासम्म नेपालले ११ ओभर खेलिसकेको छ। यसमा नेपालले ८१ रन बटुलेको छ। खेल जित्न नेपाललाई मुस्किल देखिएको छ।

यसअघि ब्याटिङ गरेको सिंगापुरले नेपाललाई १९२ रनको विशाल लक्ष्य दिएको छ ।

टस जितेर ब्याटिङ गरेको सिंगापुरले निर्धारित २० ओभरमा ६ विकेट गुमाउँदै १९१ रन बनाएको हो । सिंगापुरलाई विशाल लक्ष्यमा पुर्या उन टिम डेभिडले ७७ रन बनाए। यसैगरी रोहनले ४९ र मनप्रित सिंहले ४२ रन बनाए।

नेपालका लागि अभिनास बोहराले चार विकेट लिए। करण केसीले २ विकेट लिएका थिए।