निर्मलालाइ न्याय माग्दै नेविसंघकाे माइतीघरमा दीप प्रज्वलन

काठमाडाैं- झमक्कै साँझ पर्नै लागेको छ, काठमाडौंको माइतीघर मण्डलमा सबैजना युवाहरु लहरै उभिएका छन्, मालासहितको तस्बिर लिएर। तस्बिर अरु कसैको नभएर गतवर्ष साउन १० गते आजैको दिन कञ्‍चनपुरमा बलात्कारपछि हत्या गरिएकी १३ वर्षीया निर्मला पन्त हो। सबैजना मौन छन्। तर पनि उक्त तस्बिरले राज्‍यसँग न्‍याय मागिरहेको छ।

युवायुवतीहरु क्षणमै मैनबत्ती बाल्न थाल्छन्, कोही निर्मला पन्तको तस्बिरमा माला लगाइ एकनाशले मैनबत्ती बालिरहेकालाई सघाउँन थाल्छन्।

नेपाल विद्यार्थी संघले निर्मला पन्तका लागि न्याय माग्दै राजधानीमा विहान प्रर्दशन गरे पनि साँझमा भने दीप प्रज्वलनले उनीप्रति श्रद्धाञ्जली व्‍यक्त गरेको छ।

कन्चनपुरकी निर्मला पन्तको गत वर्ष साउन १० गते बलात्कार पछि हत्या भएको थियो।  ‘निर्मलाले न्याय कहिले पाउँछिन् सरकार’ लेखिएका प्ले कार्ड बोकेका प्रर्दशनकारीले निर्मलाका हत्यारालाई पत्ता लगाउन नसकेको भन्दै गृहमन्त्री राम बहादुर थापा विरुद्ध नाराबाजी गरेका थिए।

निर्मला हत्याको एक वर्ष भईसक्दा पनि घटनामा संलग्न दोषी पत्ता लगाउन नसक्दा सरकारको आलोचना हुँदै आएको छ।