काठमाडौं विमानस्थलबाट १४ हजार किलो सुर्तीजन्य पदार्थ बरामद

काठमाडौं- त्रिभुवन अन्तर्राष्ट्रिय विमानस्थलबाट ठूलो परिमाणमा सुर्तीजन्य पदार्थ रजनीगन्धा बरामद भएको छ।

विमानस्थलको अन्तर्राष्ट्रिय उडानतर्फ भन्सार छली बाहिरी मुलुकमा निर्यात गर्न लागिएको १४ हजार १४० केजी रजनीगन्धा र तुलसी प्रहरीले बरामद गरेको हो। उक्त परिमाणको सुर्तीजन्य पदार्थ गत वर्ष २०७५ फागुन १५ गतेदेखि हालसम्म पटक–पटक गरी बरामद गरिएको प्रहरीको भनाई छ।

बरामद रजनीगन्धा त्रिभुवन अन्तर्राष्ट्रिय विमानस्थल, भन्सार कार्यालयलाई बुझाइएको छ।

सुर्तीजन्य वस्तु मिलमतोमा खाडी देश र युरोप तथा अमेरिकासम्म तस्करी हुने गरेको छ।

नेपालबाट उडान भर्ने लगभग सबै जसो विमानमा नेपाल र भारतमा निर्मित सुर्तीजन्य पदार्थ तस्करी हुँदै आएको थियो।