जापानी भाषाको परिक्षा कात्तिकमा

 २०७५ चैतको दोस्रो साता नेपाल र जापान सरकारबीच कामदारको लैजाने सहकार्यको समझदारी पत्र (एमओयु ) मा हस्ताक्षर भएको थियो।

जापान सरकारले नेपाली कामदार पठाउन जापानी भाषा र सिपदक्षता सम्बन्धिको परिक्षा कात्तिकमा सुरु हुने श्रम मन्त्रालयले जनाएको छ। भाषा परिक्षा आउदो कात्तिक महिनाको १० र ११ गते र त्यसपछि हुने सिपदक्षता सम्बन्धिको परिक्षा चाही कात्तिक महिनाकै २० र २१ गते तोकिएको छ। भाषा र सिपदक्षता सम्बन्धिको परिक्षा उत्तीर्ण गरि सकेको दुइ महिनाभित्र नेपाली कामदार जापानले लैजाने छ।

नेपाली कामदारले जापान जानका लागि परिक्षा शुल्क, जाँदा लाग्ने टिकटको कति पैसा तिर्नुपर्ने हो भन्ने र कामदारको स्वास्थ्य जांचको बारेमा जापानी पक्षसंग छलफल भइरहेको मन्त्रालयले जनाएको छ। दुइ देशको सरकारबीच भएको सहमति अनुसार नेपालीहरुले नर्सिङ्ग ,सरसफाई , उत्पान्मुलक क्षेत्र, कृषि ,होटेल, माछा मार्ने तथा खाद्य प्रसोधन आदि विभिन्न १४ वटा क्षेत्रमा काम गर्न जान पाउछन।

जापान सरकारले ५ बर्षका लागि करिब ३ लाख ४५ हजार जनालाई कामको अनुमति दिने जनाएको छ। कामदार लैजाने भनिएका अन्य देशहरु मंगोलिया, चीन, थाईल्याण्ड, म्यान्मार, इन्डोनेसिया, कम्बोडिया र भियतनाम मध्ये जापानले नेपालसंग पहिला सम्झौता गरेको थियो।

कतिपय देशहरुसंग जापानले सम्झौता गर्ने चरणमा रहेकाले कति संख्यामा नेपालीलाई लैजाने भने सहमति भइसकेको छैन।