नेता न्याैपानेकाे अनेरास्ववियूलाई तीन सुझाव

काठमाडाैं-अनेरास्ववियूले अबदेखि संस्थागत रुपमा र अखिलका नेता–कार्यकर्ताहरुले व्यक्तिगत रुपमा कुनै पनि शिक्षण संस्थाहरुबाट चन्दा नउठाउने निर्णय गरेछ । हाम्रा नेता–कार्यकर्ताले चन्दा उठाएको थाहा भएमा संगठनबाट निष्काशनसम्म गर्ने निर्णय निकै राम्रो हो । यो निर्णयलाई सफलापूर्वक कार्यान्वयनका लागि अखिलका नव नियुक्त संयोजक ऐन महरसहित निर्णयमा सहभागी सबै साथीहरुलाई विशेष शुभकामनासहित धन्यवाद । 

नयाँ नेतृत्वको अखिलले थप तीनवटा निर्णयसहित कडाइपूर्वक कार्यान्वयन गर्नुपर्नेछ

पहिलो- विश्वविद्यालयहरुबाट निजी कलेजहरुलाई सम्बन्धन दिलाउनका लागि फाइल बोकेर हिड्ने, शिक्षा व्यापारीहरुलाई निजी सम्बन्धन दिलाइदिए वापत एकमुष्ठ पैसा लिने र स्वतः त्यस्ता कलेजको सेयरसमेत पाउने विकृति विद्यार्थी आन्दोलनभित्र देखापरेको छ । यो विषयलाई पनि माथिको जस्तै अनुशासन र कारवाहीको दायरामा ल्याउनुहोला ।

दोस्रो- शिक्षक, कर्मचारी (सिविल र फौजी) को सरुवा–बढुनाका पाइल बोकेर सिहंहदरवारलगायत पावरसेन्टर धाउने, काम गराउने र त्यसवापत पैसा लिने प्रथाको अन्त्यको घोषणा ।

तेस्रो- विद्यार्थी नेता पिए बन्ने संस्कारले विद्यार्थी आन्दोलनलाई प्रतिपक्ष आन्दोलनबाट च्यूत गरेकोछ । पक्का हा कि पिए कोही न कोही हुनुपर्छ तर विद्यार्थी नेता पिए बन्ने हो भने विद्यार्थी नेतृत्वबाट राजिनामा दिएर जानुपर्ने, यदि विद्यार्थी नेता भइरहने हो भने पिए बन्न नपाउने निर्णय पनि तत्काल गर्नुहोला । 

यति मात्र गर्ने हो भने विद्यार्थी आन्दोलनमा ठूलो सुद्धिकरण हुनेछ । यसको सकारात्मक प्रभाव अन्य विद्यार्थी संघ÷संगठनममा पनि पर्ने पक्का छ ।