अविरल वर्षाको कारण राजमार्ग बन्द,तराइ क्षेत्र डुबानमा

काठमाडाैँ-बिगत तीन देखिको अविरल वर्षाका कारण बाढी पहिरो जाँदा देशका विभिन्न स्थानमा राजमार्ग चल्न सकेका छैनन् ।

पहिरोकै कारण बीपी राजमार्ग अन्तर्गत गोलन्जोर र सुनकोशी गाउँपालिकामा पहिरो गएका कारण पूर्ब जाने साना ठुलो सवारी साधन चल्न सकेका छैनन |

वर्षा कै कारण आएको बाढीले पूर्वपश्चिम राजमार्ग बन्द भएको छ । पूर्व–पश्चिम राजमार्ग अन्तर्गत राैतहटमा राजमार्गमै बाढी पसेपछि राजमार्ग अवरुद्ध भएको हो । बाढी हटाएर आवगमन सुचारु गर्न प्रयास भइरहेको प्रहरीले जनाएको छ ।

यस्तै नारायणगढ-मुग्लिन सडकखण्डमा पहिरो खस्दा बाटो बन्द भपछि पहिरो हटाएर एकतर्फीमात्रै गाडी सञ्चालन भइरहेको छ । यो सडक खण्डको सत्र किलोमा बिहीबार राति १० बजेतिर पहिरो खसेको हो । ठूलो पानी परिरहेकाले पहिरो पन्छाउन समस्या भएको प्रहरीले जनाएको छ ।

अविरल वर्षाका कारण जनकपुरधाम उपमहानगरपालिका जलमग्न भएको छ ।

वर्षाले नगरका सडक जलाशयमा परिणत भएको छ भने उपनगरपालिकाको घर-घरमा पानी पसेको छ ।

निकास नभएका कारण जनकपुरधामस्थित सरकारी कार्यालय डुबानमा परेको छ । जिल्ला प्रशासन कार्यालय, जिल्ला प्रहरी कार्यालय, वन कार्यालय, आन्तरिक राजश्व कार्यालय, राष्ट्रिय समाचार समिति, हुलाक कार्यालय, वन निर्देशनालयलगायतका कार्यालय परिसरमा तीन फिटसम्म पानी जमेको छ ।

यस्तै बुटवलबाट पाल्पा जाने, लमजुङबाट मनाङ जाने तथा भोजपुरबाट धरान जाने बाटो बन्द भएको प्रहरीले जनाएको छ ।