सबै सचिवलाई डाकेर प्रधानमन्त्रीले कार्यप्रगति सुन्दै

काठमाडौं-प्रधानमन्त्री केपी शर्मा ओलीले सबै मन्त्रालयका सचिवहरुलाई बोलाएर प्रगति विवरण लिएका छन्।

प्रधानमन्त्री कार्यालय सिंहदरबारमा भइरहेको कार्यक्रममा सचिवहरुले आफ्नो मन्त्रालय अन्तर्गतका कार्य विवरण प्रधानमन्त्रीलाई सुनाइरहेका छन्। मन्त्रालयहरुले प्रस्तुत गरेका प्रतिवद्धता पुरा भए÷नभएको प्रधानमन्त्री ओलीले जानकारी लिइरहेका छन्।

आर्थिक ०७५/७६को नीति तथा कार्यक्रम र बजेट कार्यान्वयनको समिक्षा गर्ने गरि छलफल डाकिएको हो।

२३ सचिवहरुबाट मन्त्रालयहरुको कार्ययोजना सहित प्रगति समीक्षा सुनिसकेपछि प्रधानमन्त्रीले निर्देशन दिने बताइएको छ।

अन्तरमन्त्रालय समन्वयको अभावमा विषादी प्रकरणमा सरकार आलोचित भएपछि प्रधानमन्त्री ओलीले सचिवलाई निर्णय प्रक्रियामा सर्तक बनाउने भएका छन्।