नेकपाको संसदीय दलको बैठक आज पनि

काठमाडौं-नेपाल कम्युनिस्ट पार्टी (नेकपा)को संसदीय दलको बैठक आज पनि बस्ने भएको छ।

आजको बैठकमा २० सांसदले आफ्नो धारणा राख्ने बताइएको छ। यस अघि बिहिबारको बैठकमा २९ जनाले सरकारको काम कारबाही,बजेट विनियोजन,पार्टी सञ्चालन लगायतका विषयमा बोलेका थिए। बोल्ने सबै जसे सांसदहरुले सरकार र शीर्ष नेतृत्वको आलोचना गरेका थिए।

सांसदहरुलाई भुमिकाविहिन पार्टीले बनाएको भन्दै आपत्ति जनाएका थिए।

अध्यक्षद्धय केपी शर्मा ओली र प्रचण्डले नेकपालाई प्राप्त अभुतपूर्व अवसरलाई सदुपयोग गर्नुपर्नेमा जोड दिएका थिए।

प्रचण्डले पार्टी एकता प्रक्रिया ढिलो भएको प्रति चिन्ता व्यक्त गरेका थिए। संसदीय दलका नेता तथा प्रधानमन्त्री ओली विहिबारको बैठकमा सांसदहरुको गुनासाहरु धैर्यतापूर्वक सुन्ने काम गरे।

संसद भवन नयाँ बानेश्वरमा दिउँसो १ बजे बैठक बोलाइएको छ।