अध्यक्ष भट्टराईलाई नजिकका नेताले छोडे

काठमाडौं-नयाँ शक्ति नेपाल र संघीय समाजवादी फोरम विच भएको पार्टी एकता प्रति असन्तुष्ट तत्कालिन नयाँ शक्तिका नेता देवेन्द्र पराजुली सत्तारुढ दल नेकपामा प्रवेश गर्ने भएका छन्।

पराजुरी सहित पूर्वमन्त्री कल्पना धमलाले पनि डा बाबुराम भट्टराईको साथ छोड्ने भएकी छन्। नेता पराजुली, धमला सहित महिला संगठनकी संयोजक मनु हुमागाई पनि नेकपा प्रवेश गर्दैछिन्।

पार्टी केन्द्रीय कार्यायल धुम्वाराहीमा पार्टी प्रवेश कार्यक्रम राखेर नेकपाले तत्कालिन नयाँ शक्तिका नेताहरु भित्रयाउन लागेको हो। पराजुलीले भने,‘ नेकपामा प्रवेश छिट्टै हुन्छ।’ एकता प्रति असन्तुष्टिका विषयमा भने उनले बोल्न चाहेनन्। उनले भने,‘एकता मन परेन। नेकपा प्रवेश गर्ने सोंच बनाइयो। एकता मन नपर्नुका कारण प्रवेश कार्यक्रममा भनौला |’

लमजुङ निवासी पराजुली युद्धकालिन माओवादीको विद्यार्थी संगठनका अध्यक्ष समेत भएका थिए। पराजुलीकी पत्नि धमला पूर्वमन्त्री समेत हुन्। भट्टराईको निकट रहेकै कारण पराजुलीले युद्धकालमा पार्टीबाट निर्मम यातना भोगेका थिए।