कोरियामा महासचिब पौडेलको ब्यापक आलोचना

सोल-बुधबार कोरिया आइपुगेका नेपाल कम्युनिष्ट पार्टिका महासचिव बिष्णु पौडेलको कोरियामा ब्यापक आलोचना भएको छ |

दक्षिण कोरियाली सरकारको निमन्त्रणामा यहाँ आएका महासचिब पौडेलको सामाजिक संजालमा व्यापक आलोचना भएको हो |

बालुवाटार जग्गा प्रकरणमा मुछिएका महासचिब पौडेललाई मजदूर,सामाजिक कार्यकर्ता लगायतले तिखो व्यंग्य गरेका छन् | पत्रकार सन्तोष श्रेष्ठले लेखेका छन् ‘हजाम नभएरै केही लेख्न मन भयाे .. बालुवाटार नेता बिष्णु पाैडेल नामनै काफी छ |’

श्रेष्ठको स्टाटसमा केशब भट्टराई ‘कोरियका नेता भए हान्बब् छेफान्जोले अस्ती नै हतकडी लागि सक्थ्यो पौडेलको हातमा ।’ भन्दै कम्मेन्ट गरेका छन |

त्यस्तै गुरुदत्त न्यौपाने लेख्छन ‘नेपालीको नाममा त्यही दोङ्देमुनको चउर छ त्यो पनि नामसारी होला बिचार गरौँ है ।
छुसक सलनाल भेटघाट चौपट होला |’

नेकपा भित्र प्रधानमन्त्री केपी शर्मा ओली निकट मानिने पौडेल परिवारको बालुवाटारमा आठ आना जग्गा भएको खुलासा भए पछि आलोचित हुदै आएका छन् |

साधारण सादागी नेता मानिएका पौडेललाई अधिकांशले भूमाफिया भनेर इंगित गरेका छन् | त्यस्तै स्वागत गर्न विमानस्थल पुग्ने कार्यकर्तालाई लम्पसारबादी भनेर आरोप लगाइको छ |