नेकपा सचिवालय बैठक आज

काठमाडौं-नेपाल कम्युनिस्ट पार्टी (नेकपा)को सचिवालय बैठक आज बस्ने भएको छ ।

प्रधानमन्त्री केपी शर्मा ओली युरोप भ्रमणमा निस्केपछि स्थगित गरिएको बैठक प्रधानमन्त्री निवास बालुवाटारमा बस्ने भएको हो ।

३ बजेका लागि बोलाईएको सचिवालय बैठकले जिल्ला इन्चार्ज र सह इन्चार्जको अन्तिम टुंगो लगाउने बताइएको छ।

दोहोरो भूमिका दिने नदिने विषयमा मतैक्यता हुन नसकेपछि यस अघिका बैठकले जिल्ला इन्चार्ज र सह इन्चार्जको नामावली सार्वजनिक गर्न सकेको थिएन। साथै, बैठकमा विभागहरु गठनका लागि पनि छलफल हुनेछ। केन्द्रीय सदस्यहरुको जिम्मेवारीको वांडफाडमा प िछलफल हुनेछ।

पार्टी एकताको एक वर्ष कटिसक्दा पनि सत्तारुढ दल नेकपाले पार्टी एकिकरणलाई अन्तिम रुप दिन भने सकेको छैन।