प्रधानमन्त्री घोसेमुन्टो लगाएर फर्के

काठमाडौँ-प्रधानमन्त्री केपी शर्मा ओली रोष्ट्रममा घोसेमुन्टो लगाएर फर्किएका छन् ।

मंगलबार प्रमुख प्रतिपक्षी नेपाली काँग्रेसले बोल्न नदिएपछि प्रधानमन्त्री  ओली रोष्ट्रममा पुगेर  घोसेमुन्टो लगाएर फर्किएका हुन् |

प्रतिनिधिसभाको बैठक सुरु भएपछि सभामुख कृष्णबहादुर महराले बोल्नका लागि प्रधानमन्त्री ओलीलाई समय दिएका थिए  । आफ्नो युरोप भ्रमण र सदनमा उठेका प्रश्नको जवाफ दिन प्रधानमन्त्री रोष्ट्रम पुग्नै लाग्दा प्रतिपक्ष काँग्रेसको नाराबाजी सुरु भयो ।

काँग्रेसले अवरोध गरेपछि प्रधानमन्त्री केही बेर सदनमा नाराबाजी हेर्दै बसिरहे । उनले दिक्क मानेर घोसेमुन्टो लगाए । सभामुख महराले बैठक बुधवार बिहान ११ बजेसम्मका लागि स्थगित गरेपछि प्रधानमन्त्री ओली दिक्क मान्दै सदनबाट बाहिरिए ।