मानव तस्करको बिगबिगी अमेरिका ७५ लाख ,क्यानाडा लाने भन्दै २४ लाख डुब्यो

काठमाडौं-नेपालमा मानव तस्करको बिग्बीगी रहेको आजको नया पत्रिका दैनिक र अन्नपूर्ण पोस्ट दैनिकले छापेको समाचारबाट प्रस्ट देखिएको छ | अन्नपूर्ण पोस्टले धन्न जोगियो मिर्गौला शिर्षकमा लमजुङका एक युवकको पीडालाई समाचार बनाइएको छ |

समाचारमा दलाललाई विश्वास गरेर भारतको दिल्ली पुगेका उनले २२ हजार ५९ अमेरिकी डलर गुमाएको जनाइएको छ भने दलालको विश्वासमा पर्दा उनलाई पुर्‍याउन गएका बा र मामाको झन्डै मिर्गाैला गुमेको थियो।

समाचार अनुसार दिल्लीमा ती युवकको भेट नुवाकोटका योगेश सापकोटासँग हुन्छ। उनलाई सापकोटाले दिल्लीस्थित एक होटलमा पुर्‍याउँछन्।

त्यस्तै नया पत्रिका दैनिकले अमेरिका जाने सपनामा दाङका एक युवकले ७५ लाख रुपैयाँ मात्र गुमाएको पीडालाई समाचार बनाएको छ |

पीडित ती युवकले ७५ लाख रुपैयाँ मात्र गुमाएनन १७ महिना जेलसमेत बिताउनु परेको जनाइएको छ । मानव तस्करलको पछि लागेर विभिन्न देश हुँदै अमेरिका पुगेका ती युवा अमेरिकाममै १७ महिना जेल परेका हुन् ।

उनलाई अमेरिका पठाउने गिरोहका सदस्य टोपबहादुर जिसीलाई प्रहरीले पक्राउ गरी मुद्दा चलाएको छ ।

प्रहरीका अनुसार अमेरिका लैजान सुरुमै उनीसँग २० लाख रुपैयाँ लिइएको थियो । पछि बाटोमा धम्क्याएर थप पैसा असुली गरिएको हो ।