बिहानैदेखि हावाहुरी बितण्डा,कैलालीमा २ को मृत्यु

काठमाण्डौ – काठमाण्डौ र आसपासका ठाउँमा शुक्रबार बिहानैदेखि हावाहुरी र वर्षा भैरहेको छ ।

त्यसैगरी हिजो कैलालीका विभिन्न ठाउँमा अचानक आएको भीषण हावाहुरीमा परि  २ जनाको मृत्यु भएको छ भने
घाइते हुनेहरुको संख्या झण्डै ७६ पुगेको छ ।

मृत्यु हुनेमा गोदावरी नगरपालिका ४ का वीरबहादुर चौधरी र टीकापुर नगरपालिका २ का लहानु डंगौरा रहेका छन् ।

घाइतेहरुको धनगढीका विभिन्न अस्पतालमा उपचार भइरहेको छ । उनीहरु मध्ये केहीको अवस्था गम्भीर छ ।

हावाहरीका कारण घर टहराको छाना उठेको छ भने रुखहरु ढलेका जिल्ला प्रहरी कार्यालय कैलालीका प्रमुख सुदीप गिरीले जानकारी दिए ।
ठाउँठाउँमा रुखहरु ढल्दा सडक अवरुद्ध भएको छ । सुरक्षाकर्मीहरु उद्धारमा जुटेका छन् ।

प्रिमनसुनको समयमा वर्षासँगै हावाहुरी चल्ने सम्भावना भएकाले सतर्क हुन मौसमविदको सुझाव छ