सामुदायिक तर अब्बल बिद्यालय

काठमाडौं-विद्यार्थीलाई स्वीमिङ पुल, अंग्रेजी माध्यमबाट पढाई, मन्टेश्वरी प्रविधिकाे शिक्षा, शिशु कक्षादेखि तीन कक्षासम्म नि :शुल्क, दिवा खाजाकाे ब्यबस्था ,अत्याधुनिक कम्प्यूटर र साइन्स ल्याब, सुविधा सम्पन्न आकर्षक भवन, सबै कक्षा कोठा र विद्यालय परिसर सिसी टिभी क्यामेराबाट निगरानी याे सबै कुनै सुविधा सम्पन्न निजी स्कुलको कुरा होइन । यो त काठमाडौ महानगरपालिका वडा नं.६ महाङ्काल स्थित सरकारी बिद्यालय जनकल्याण माविको हो । जुन काठमाडौकाे उत्कृष्ट उदाहरणीय सरकारी बिद्यालयमा पर्दछ |

बि सं २०१०सालमा स्थापना भएको यो विधालयमा २०५६ सालदेखि निमावि कक्षा र २०६८ सालबाट माविको पढाइ सुरु भएकाे थियाे ।

जनकल्याण मावि भौतिक पूर्वाधार, त्यहाँ पढाइ हुने विषय र उत्कृष्ट नतिजाको कारण अब्बल रहेकाे छ ।

‘विद्यार्थीको चापका कारण अब भर्ना लिने स्थिती छैन । ठाउँ छैन भनेर फर्काउनु परेको छ । विद्यार्थी बढी हुन थालेपछि यो वर्ष प्रवेष परिक्षा मार्फत निश्चित कोटामा मात्रै भर्ना लिईएकाे प्राचार्य कमलाकुमारी राईले बताइन |

जनकल्याण माविमा अंग्रेजी माध्यमबाट पढाइ हुन्छ । अंग्रेजी माध्यमबाट पठनपाठन शुरु भएपछि नीजि बिद्यालय छाडेर विद्यार्थी भर्ना गर्नेहरुको लहर नै चलेको छ । जसले विद्यार्थी र अभिभावकलाई आकर्षण मात्रै गरेको छैन, नतिजामा पनि सुधार आउन थालेको छ ।

अहिले १ हजार ५ सय विद्यार्थीले यो विद्यालयमा अध्ययन गरिरहेका छन् ।

सरकारी भए पनि जनकल्याण उमाविले नीजि विद्यालयले अवलम्बन गर्दै आएको कतिपय नियम लागु गरेको छ । अरु सरकारी बिद्यालयमा शुक्रबार हाफ छुट्टी हुन्छ, तर यहाँ हप्ताको छ दिन दिनभरि नै पढाइ हुन्छ भने ४ बजे पछि कमजाेर बिधार्थीहरुलाई उपचारात्मक अतिरिक्त कक्षा समेत हुने गरेकाे छ ।

अतिरिक्त क्रियाकलापमा नियमित कार्यक्रमबाहेक स्वीमिङ, डान्स कक्षा लगायतका कार्यक्रम पनि थपिएको छ । विद्यालयमा स्वीमिङ पुल र मन्टेश्वरीका विधार्थीका लागि छुट्टै इन्डोर खेल स्टेशनकाे व्यवस्था समेत गरेकाे छ ।

विद्यालयलाई नमूना बनाउन ब्यवस्थित पुस्तकालय, ल्याब, छुट्टै परीक्षा शाखा, विद्यालयको आफ्नै क्यान्टिन, स्वच्छ खानेपानी, सिसीटिभी का साथै शिशु देखि ३ सम्म नि : शुल्क दिवा खाजा आदिको ब्यवस्था गरिएको छ ।

जनकल्याण विद्यालयमा आवश्यक शिक्षक कर्मचारीकाे दरबन्दीकाे व्यबस्था नहुँदा शिक्षक तथा कर्मचारीहरुलाई तलब खुवाउन हम्मेहम्मे परे पनि जनकल्याण माबिमा ४०जना शिक्षक/कर्मचारी कार्यरत छन् ।