‘धुर्मुस’ रुवाउनेलाई के कारवाही हुन्छ ?

काठमाडौं-बुधबार बिहान एकाएक चितवनका स्थानीयले निर्माणाधीन अन्तर्राष्ट्रिय क्रिकेट रंगशाला निर्माणस्थलमा लगाइएको बार भत्काए |

डोजरसहित आएका केही व्यक्तिले जस्तापाताले लगाएको बारमात्र भत्काएनन धुर्मुस–सुन्तली फाउण्डेशनका कर्मचारीहरुलाई धम्कीसमेत दिएका थिए ।

रंगशाला निर्माणको पश्चिमतर्फ सडक निर्माणका लागि फाउण्डेसनले जग्गा छाड्नुपर्ने माग स्थानीयको छ । कृषि तथा वनविज्ञान विश्वविद्यालय रामपुर चितवनले भोगचलन गर्दै आएको जग्गाबाट सडक बनाउनुपर्ने माग उनीहरुको छ । यसै बिषयलाई समाधान गर्न चार दिनअघि स्थानीयसँग फाउण्डेशनका अध्यक्ष सीताराम कट्टेलले छलफल गरेका थिए ।

सो छलफलमा रंगशालाको पूरा डीपीआर आएपछि कति सडक छाड्ने भन्ने बारेमा निर्यौक्ल हुने भएकोले तत्काल काम गर्न दिन अनुरोध गरेका थिए । स्थानीयका लागि मात्रै होइन रंगशालाका लागि समेत सडक चाहिने भएकोले करीव १० मिटर जग्गा सडकका लागि छाड्ने विश्वास धुर्मसले दिलाएका थिए ।

यति हुदाहुँदै आज स्थानीयले तारबार भत्काए | घटना भएको आफनै आखाले देखेका धुर्मुस भावविह्वल भएका छन् |धुर्मुसले यो कार्यलाई राजनीतिसंग जोडेका छन् | उनले यस घटनालाई राजनीती प्रेरित भनेका छन् |

धुर्मुसले भने ‘यी रसाएका आँखाको मात्र हैन,परदेशमा रगत बगाउने लाखौँ युवाको पसिना हो ।’ लाइभ भिडियोमा उनले थपे ‘डोजर जस्तापाताको बार भत्काएर नेपालीको मनमा लगाईएको छ ।’

सामाजिक संजालमा निर्माणाधीन रंगशालामा डोजर लगाउनेहरुको चर्को आलोचना भैरहेको छ |

गौतम बुद्ध अन्तराष्ट्रिय रंगशाला नपाली गौरबसंग जोडिएको बिषय हो | यस्तो बिषय उठान गर्ने समाजिक अभियन्ता तथा कलाकार धुर्मुसहरुलाई रुवाउनेलाई नेपाली समाजले के कारबाही गर्न सक्छ ? यो एउटा गम्भीर प्रश्न हामी सामु तेर्सिएको छ |