राष्ट्रपतिको आग्रह – नेपालमा ढुक्क भएर लगानी गर्नहोस्

काठमाडौं-चीनको राजकीय भ्रमणमा रहेकी नेपालकी राष्ट्रपति विद्यादेवी भण्डारीले नेपालमा राजनीतिक स्थिरतासँगै लगानीमैत्री वातावरण भएकाले चिनियाँ उद्योग तथा लगानीकर्तालाई लगानीका लागि आग्रह गरेकी छन् । यो समाचार राजधानी दैनिकले प्राथमिकता साथ छापेको छ ।

आइतबार नेपाल चीन ट्रेड इकोनोमिक फोरमलाई सम्बोधन गर्दै उनले नेपालले समृद्ध मुलुक निर्माणका लागि विदेशी लगानीकर्ताका लागि उपयुक्त वातावरण तयार गरेको बताइन् । उनले चिनियाँ लगानीकर्ताका लागि विशेष प्राथमिकतामा राखिएकोसमेत बताएकी थिइन् । सो कार्यक्रमा नेपाल र चीनका उद्योगपति, उद्यमी तथा लगानीकर्ताको उपस्थिति थियो ।

भण्डारीले नेपाल सरकारले आर्थिक उन्नतिका लागि समृद्ध मुलुक सुखी नेपालीको अवधारणा अघि सारेको बताइन् ।
‘नेपालमा अहिले लगानीको उत्कृष्ट वातावरण रहेको छ । नेपालमा प्राकृतिक स्रोत, राजनीतिक स्थिरता र लगानीमैत्री वातावरणका लागि लगानीकर्ताका लागि अवसरै अवसर छ,’ उनले भनिन्, ‘एकद्वार प्रणालीबाट विदेशी लगानीकर्तालाई सहजीकरण गरिरहेका छौं ।’

भण्डारीले नेपालमा बहुराष्ट्रिय कम्पनीहरूले उदार कर प्रणालीबाट फाइदा लिइरहेको बताएकी थिइन्