उपत्यकाका सरकारी विधालय नै चर्को शुल्क असुली धन्दामा

काठमाडौं-राज्यकाे नीती विधालय शिक्षा पुर्ण रुपमा नि : शुल्क गर्ने भनिएता पनि उपत्यकाका अधिकांश सरकारी विधालयहरुले विधार्थी भर्ना अभियानमा नै नीजि विधालय सरह ्चर्को शुल्क लिएको पाइएको छ ।

उपत्यकाका सरकरि बिध्यालहरुले बिभिन्न शिर्षकका नाममा विधार्थीबाट नियमविपरित शुल्क अशुली धन्दामा लागेका हुन ।

नीजि स्राेतका शिक्षक कर्मचारीलाई तलव,अंग्रेजी माध्ययबाट पढाइ लगाएतका बहानामा खुलेआम विधालयहरुले शुल्क अशुल्दा समेत स्थानिय शिक्षा कार्यालय र जनप्रतिनिधिहरु मुखदर्शक बनिरहेकाे अबिभावक टंक भट्टराईले गुनासाे गरे ।

उनले भने ‘राज्यले शिक्षा निशुल्क भनेकाे भएता पनि सरकारी विधालयले नीजि विधालय साे सरह नै शुल्क लिएका छन् ।’

काठमाडौ महानगरपालिका वडा नं ४ मा पर्ने बाँसबारी माध्यमिक विधालयले नर्सरीदेखी कक्षा १० सम्मका विधार्थीवाट बिभिन्न शुल्क शिर्षकमा २००० रुपैयाँदेखी ५५०० रुपैयाँसम्म उठाईरहेकाे छ ।

त्यस्तै वडा न ६ बौद्धकाे जनकल्याण माध्यमिक विधालयले नर्सरी कक्षाकाे बार्षीक रु ५००० देखी कक्षा दशकाे रु १६००० सम्म उठाईरहेकाे पाइएको हो ।

उक्त विधालयकी प्रधानाध्यापक कमला राईले बिधार्थीसंग शुल्क उठाउनु बाध्यता भएकाे बताएकी छन्। उनले विधालयमा प्रयाप्त दरबन्दी नभएकाे र निजि स्राेतका शिक्षक कर्मचारीकाे व्यबस्थापन गर्नुपर्ने भएकाले शुल्क उठाउनुपरेकाे जानकारी दिईन ।

उपत्यकाका अधिकांश सरकारी बिधालयहरुले विभिन्न बहानामा नियमविपरित शुल्क अशुल गर्ने गरेका छन् ।

काठमाण्डौ महानगरपालिका शिक्षा शाखा प्रमुख निर्मला केसीले कानुन विपरित कसैले पनि शुल्क उठाउन नपाउने र कसैले उठाएकाे पाईएमा कानुन वमाेजिम स्पष्टिकरण लगाएतकाे कार्वाही गर्ने बताएकी छन् ।

बुढानिलकण्ठ नगरपालिका शिक्षा शाखा प्रमुख नवराज नेपालले कुनै पनि सरकारी विधालयलाई विधार्थीसंग शुल्क उठाउने अधिकार नभएकाे भन्दै विधार्थीसंग शुल्क उठाएकाे भेटिएमा कार्बाही गर्ने बताए ।

त्यस्तै ललितपुर महानगरपालिका शिक्षा प्रमुख महेन्द्र क्षेत्रीले सरकारी विधालयहरुले बिधार्थीसंग कुनैपनि प्रकारकाे शुल्क लिन नपाउने र त्यस्ताे पाइए कार्बाही गर्ने बताएका छन् ।