धनगढीबाट बझाङ जाँदै गरेको बस दुर्घटना, ५ जनाको मृत्यु

काठमाडौं-धनगढीबाट बझाङ जाँदै गरेको बस डडेलधुरामा दुर्घटनामा परेको छ ।

ना ६ ख १८३१ नम्बरको यात्रुबाहक बस भिमदत्त राजमार्गको गन्यापधुरा गाउँपालिका–१ साहुखर्कमा बिहान दुर्घटना हुँदा ५ जनाको मृत्यु भएको डडेलधुरा प्रहरीले जनाएको छ ।

करिब २० जना भन्दा बढी घाइते भएको र मृतकको संख्या बढ्न सक्ने समेत प्रहरीले जनाएको छ ।

आज बिहान पौने ५ बजेतिर सडकबाट अन्दाजी २ सय मिटर तल बस खसेको ट्राफिक निर्देशनालयका प्रमुख  डीआइजी पूर्णचन्द्र जोशीले जानकारी दिए । घाइतेलाई स्थानीय अस्पतालमा लगिएको छ । मृतकमध्ये दुइ महिला र तीन पुरूष भएको प्रहरीले जनाएको छ ।