लगानी सम्मेलन – १७ आवेदन १५ सम्झौता

काठमाडौँ– सरकारले लगानी सम्मेलनमा प्रस्तुत गरेका ५० वटा परियोजना मध्ये १६ वटा परियोजनाका लागि १७ वटा आवेदन परेको छ।

राजधानीमा सम्पन्न लगानी सम्मेलनका क्रममा १६ वटा परियोजनाका लगानीको इच्छासहित विभिन्न देशका १७ लगानीकर्ताले आवेदन दिएका हुन्।

भक्तपुरको कन्भेन्सन सेन्टर, लुम्बिनी अञ्चल अस्पतालको प्रसुती केन्द्र, वीरगञ्जको लजिस्टिक सेन्टर, पश्चिम सेती हाइड्रो पावर, तमोर हाइड्रो पावर लगायत १७ वटा परियोजनामा लागानी गर्न निवेदन दिएका छन्।

लगानी बोर्डका सीईओ महाप्रसाद अधिकारीका अनुसार पूर्वाधार तथा यातायात क्षेत्रमा ७ वटा, ऊर्जामा ४ वटा, कृषिमा ३ वटा, शिक्षा र स्वास्थ्यमा २ र लजिस्टिकमा एक कम्पनीले आवेदन दिएका छन् ।

बाँकी परियोजनाका आवेदन दिन सरकारले आगामी अप्रिल २० सम्मको समय दिएको छ।

त्यस्तै लगानी सम्मेलनको समापनका क्रममा १५ सम्झौता तथा समझदारीमा हस्ताक्षर भएको छ ।