भ्रष्टाचार आरोपमा जेल परेका सामसुङका प्रमुख जेलमुक्त

सोल – दक्षिण कोरियाको एक अदालतले सामसुङ कम्पनीका प्रमुख ली जे योङको सजाय निलम्बन गरेपछि उनी जेलमुक्त भएका छन्।

उनलाई गत अगस्टमा घुसखोरी र भ्रष्टाचार आरोपमा दोषी पाइएपछि पाँच वर्षको जेल सजाय सुनाइएको थियो। तर सोमबार पुनरावेदन अदालतले सो सजाय कटौती गरेर अढाइ वर्षमा झारेको छ। त्यस्तै चार वर्षसम्मका लागि उनको सजाय निलम्बन पनि गरिएको छ।

सोही कुख्यात मुद्दाका कारण यसअघिकी राष्ट्रपति पार्क गेन हेमाथि महाअभियोग पनि लागेको थियो।