प्रचण्डको अर्को लोकप्रिय कदम- कोरियाबाट पैसा पठाउँदा लाग्ने शुल्क अब सरकारले ब्यहोर्ने,हुण्डी पूर्ण रुपमा निरुत्साहित हुने

सोल-प्रचण्ड सरकारले कोरियामा कार्यरत नेपाली कामदारले आफ्नो कमाइ नेपाल निशुल्क पठाउने व्यवस्था आजको बजेटबाट गर्न लागेको छ | यहाँ कार्यरत कामदारले नेपालमा रकम पठाउँन हुन्डी माध्यम अत्याधिक गरेकाले पैसा नेपाल पठाउँदा शुल्क नलाग्ने ब्यवस्था गर्न लागेको हो । यो व्यवस्था दक्षिण कोरिया लगायतका मुलुकबाट नेपालमा रकम पठाउँदा पैसा नलाग्ने ब्यवस्था गर्न लागिएको हो ।

अर्थमन्त्रालय स्रोतका अनुसार राष्ट्र बैंकले दिएको यस्तो सुझाव राम्रो देखिएकोले बजेटमा समाबेश गर्न लागिएको अर्थमन्त्रालय स्रोतले जानकारी दियो ।

‘धेरै नेपाली गएका देशहरुबाट औपचारिक माध्यमबाट रेमिटान्स आउने मात्रा निकै कम छ, त्यस्ता देशहरुबाट नेपालमा रकम पठाउँदा पैसा नलाग्ने ब्यवस्था गर्नु उचित हुन्छ भन्ने सुझाब राष्ट्र बैंकले दिएको छ, यो राम्रै लागेकोले बजेटमा समाबेश गर्ने भनिएको छ, सायद बजेटमा आउँछ होला,’ मन्त्रालय स्रोतले भन्यो ।

नेपाल सरकार र दक्षिण कोरिया सरकारको सम्झौताबाट त्यहाँ गएका नेपालीले पनि औपचारिक माध्यमबाट नेपालमा रकम पठाउने गरेका छैनन् । हुन्डीको कारोबार बढेको भन्दै त्यसलाई नियन्त्रण गर्न यस्तो सुझाव राष्ट्र बैंकले दिएको हो ।