हुन्डी कारोबार रोक्न प्रक्रिया सुरु

काठमाडौं – मलेसियाले हुन्डी कारोबार रोक्न प्रक्रिया सुरु गरेको छ। गैरकानुनी मानिने हुन्डी कारोबार फस्टाउँदै गएपछि यहाँको केन्द्रीय बैंक ‘बैंक नेगर’ नियन्त्रणका लागि प्रक्रिया अघि बढाएको हो।अवैध रूपमा मलेसियाबाट गरिने पैसासम्बन्धी कारोबार निरुसात्हित गर्न केन्द्रीय बैंक, अधिवक्ता जनरल चेम्बर नेरेट र मलेसिया प्रहरीको सयुक्त टोलीले अवैध मुद्रा कारोबार सञ्चालन गर्ने नेटवर्कमा छापा मारेर कारबाही प्रक्रिया अघि बढाएको हो।

केन्द्रीय बैंक नेगरले जारी गरेको विज्ञप्तिमा अवैध रूपमा रकम कारोबार गरी विदेश निर्यात गर्ने राजधानी क्वालालम्पुर र सेलेङर राज्यका १४ स्थानमा छापा मारेको जनाइएको छ । कारबाहीमा आठजना विदेशी नागरिक पक्राउ परेको नेगराले जनाएको छ।

मलेसियामा रहेका विभिन्न देशका आप्रवासीले वैधानिक च्यानलभन्दा अवैद्यानिक च्यानल हुन्डीमार्फत रकम पठाउन थालेपछि केन्द्रीय बैंकले यस्तो कार्यमा संलग्नमाथि निगरानी बढाएको छ । निगरानीपछि संकास्पद स्थानमा छापा मार्ने र कारबाही गर्ने प्रक्रिया अघि बढेको छ।

नेपालमा मात्रै ६० प्रतिशतभन्दा बढी रकम हुन्डीमार्फत जाने गरेको अनुमान छ । हुन्डीमार्फत ठूलो रकम नेपाल पठाउने गिरोह सक्रिय छ । अवैध कारोबारमा संलग्न व्यक्ति पक्राउ परे १० वर्ष जेल र पाँच लाख रिंगिट जरिबाना तोकिएको छ । मलेसियाबाट नेपालमा अवैध रूपमा पैसा जान थालेपछि त्यसको असर नेपाली अर्थतन्त्रमा समेत पर्न थालेको अर्थविद् बताउँछन्। गैरअवासीय नेपाली संघ एसिया प्यासिफिक सम्मेलनमा नेपाल राष्ट्र बैंकका गभर्नर डा.चिरञ्जीवी नेपालले हुन्डी कारोबार नियन्त्रण गर्न मलेसियाको केन्द्रीय बैंकसँग छलफल गर्ने बताए।

गभर्नरले हुन्डी कारोबारले नेपालको अर्थतन्त्रमा असर पारेको भन्दै यो कार्य रोक्न मलेसियाको केन्द्रीय बैंकसँग आवश्यक प्रक्रिया थाल्नेसमेत बताएका थिए । सोही कार्यक्रममा मलेसियाका लागि नेपाली राजदूत डा।निरन्जनमान सिंह बस्न्यातले मलेसियाबाट १० देखि १५ प्रतिशत रकम मात्र वैधानिक रूपमा रेमिटेन्समार्फत नेपाल जाने र अन्य सबै रकम हुन्डीमार्फत जाने गरेको बताए।

हुन्डी कारोबारमा संलग्नलाई मलेसिया प्रहरीको टोलीले पक्राउ गरे पनि पक्राउ परेकामा नेपाली रहे नरहेको खुल्न सकेको छैन । हुन्डी कारोबार गर्नेले होस्टेल एजेन्ट राख्ने र रेमिटभन्दा बढी दर भाउ दिने भएकाले पनि नेपाली श्रमिक यसतर्फ आकर्षित भएका हुन्। आजको अन्नपुर्ण दैनिकमा खबर छ |