कोरिया भाषा परिक्षा लागि ६८ हजारको आवेदन , औधोगिक र कृषिमा कति -कति आवेदन पर्यो

काठमाडौं – कोरियाली भाषा परीक्षाको आवेदन खुला भएको नवौ दिन विहिबार ४ बजेसम्म ६८ हजार भन्दा बढीले आवेदन फारम  भरेका छन् |

जसमध्ये उत्पादनमुलक क्षेत्र तर्फ २२ हजार र कृषि तथा पशुपालन क्षेत्र तर्फ ४६ हजार बढीको आवेदन परेको ईपीएस शाखा नेपालका प्रमुख बाबुराम खतिवडाले हटपाटीलाई जानकारी दिए |

यो बर्ष देखि अनलाईन मार्फत फारम भर्न मिल्ने व्यवस्था मिलाईएको छ | फारम रजिष्ट्रेशनमा समस्या देखिए आवेदन भर्ने समय थप गर्ने भनिए पनि फारम रजिष्ट्रेशनमा समस्या नदेखिएकाले समय थप नहुने खतिवडाले बताए |

कोरियाली भाषा परीक्षाको आवेदन चैत ९ गते देखि १८ गतेसम्म खुलाईएको छ |

आवेदन फारम भर्दा फोटो र पासपोर्टलगायतका कागजात प्रस्ट नभएका आवेदनले चैत २० देखि २५ गतेसम्म सच्याउन सकिने पनि ईपिएस शाखा नेपालले जनाएको छ |